Vetem ne vitin 2012, Shqiperia do te kete sistem unik te adresave, nje nga kerkesat kryesore drejtuar vendit tone nga BE. Procesi i informatizimit të sistemit të adresave, vjen pas përfundimit të atij të rregjistrit të gjendjes civile dhe do të ofrojë informacione të sakta për vendndodhjen, emërtimin, numrin dhe personat që banojnë në to.
Procesi i nisur në bashkite më të mëdha të vendit perfshire edhe Shkodren momentalisht ka perfunduar vendosjen e tabelave ne rruget kryesore te qytetit. Në lidhje me informacionin e hedhur në database, puna është në përfundim e sipër sqaron ne nje njoftim te sajin ministria e Brendshme, ndërsa në mbarë Shqipërinë ka filluar vendosja e tabelave në terren, e pas një viti tabelat do të vendosen në banesa dhe apartamente.
Ne 15 bashkitë më të mëdha të vendit,puna është në fazën e numërtimit të banesave dhe parashikohet që me këto ritme procesi të përmbyllet për 12 muaj. Sipas ketij projekti informacioni do të jetë i rifreskueshëm në internet dhe në funksion të bashkive.
Sistemi unik i adresave do të mund të përditësohet nga nëpunësit e njësive të pushtetit lokal, me mbikqyrjen e Drejtorisë së Përgjithshme të Gjendjes Civile në Ministrinë e Brendshme.
Pas përfundimit të tij, çdo banesë e re e ndërtuar në çdo cep të vendit, do të jetë e evidentuar në hartë dhe do të ketë numrin e saj. Ne bashkine Shkoder rezultojne 438 rruge te emertuara, nga te cilat 136 i perkasin rajonit 1, 82 – rajonit 2, 71 rajonit 3, 60 rajonit -4 dhe 89 rajonit 5. Ne bulevarde jane vene 55 tabela, 23.922 ne ndertesa, 825 ne kryqezime, 26 ne sheshe, 5 ne parqe. Pas kesaj faze se shpejti bashkia e Shkodres do te nise punen ne terren ku familjet do te plotesojne formularin me te dhenat e cdo familje.
No comments:
Post a Comment